Laizek aurten aurkeztu duen bigarren abestia da Sua. Jai eremuetan gertatzen diren eraso sexisten aurkako mezuak zabalduz eta autodefentsa feminista defendatuz, emakumeen askatasunaren alde abesten du Barakaldoko rap abeslariak kantu honetan. “Gure gorputzen jabe gara, aske gara nahi dugun moduan mugitzeko”, azpimarratu du Laizek. Bideoklipa dantza askatasunaren adierazpena da, abeslaria beti egon da dantzari lotuta eta musika eta dantzaren arteko nahasketa berezia da berarentzat, horrela erakutsi nahi izan du bideoklipean ere.
Abestia Hala Dzipo Barakaldoko musika eskolan grabatu eta nahastu ditu Gorka Gomezek, irudiak ere berak hartu ditu eta Laize edizioaz arduratu da.
