Xiberoots taldeak ‘Baga Biga Boga’ kantua sortu du Herri Urrats 2021 festarako

Posted on 2021-04-09 by KulturSharea
Xiberoots taldeak sortu du Herri Urrats 2021 Baga Biga Boga izeneko kantua Delirium Tremens taldeko Andoni Basterretxearen partehartzearekin. Ipar Euskal Herriko ikastolen festa maiatzaren 9an egingo dute eta bosgarren kolegioa eraikitzeko helburuari erantzungo dio.
Seaskak lau kolegio ditu gaur egun. Iazko udaberrian bukatu zituzten Larzabaleko Manex Erdozaintzi Etxart kolegioa berritzeko lanak, 2013an handitu zuten Kanboko Xalbador kolegio historikoa, eta 2017an ireki zuten Estitxu Robles Arangiz kolegioa Baionan. Ziburuko Piarres Larzabal kolegioa da laugarrena. 300 ikaslerentzat pentsatua da, baina 329 ditu gaur egun, eta ondoko urteetan handitzen joango dela aurreikusten dute. Toki berean ezin denez handitu, bosgarren kolegio bat behar dute. Bi eremutan ari dira proiektua lantzen: Azkaine eta Senpere inguruan, eta Lapurdi barnealdean, Hazparneko eskualdean.

You may also like

Page 2 of 55

Zabaldu: